الجمعة، 29 يناير 2010

مش باقي منى...

مش باقي منى غير شوية ضى
فى عنية أنا هدهملك وأمشى
في صبري فى الملكوت يمكن فى
نورهم تلمحى خطوة تفرق
معاكى بين الحياة والموت
مش باقى منى غير شوية
نبض فى عروقى خدى وعيشي
وأفتحيلى تبوت أفرح
بريحة ورد فرعونى وربنا
في عونى..أذا دخلت الجنة
ولا النار هشتاق إلى ضحكتك
وقعدتى في الدار والقهوة
متحوجة من طيبة العطار
في كل يوم الصبح أشرب
حليب قبطى وفى النهار
والمسا أمسك ستار الكعبة
لو سبتى وأسبت أذا هربتى
أهديكى عمري وحسى وجوارحى
أهديكى جرحى هوه ألى باقى
فى دنيتى لما خلص فرحي..
مش باقى منى غير شوية لحم
في كتافى بلاش يتبعترو في
البحر، بلاش يتحرقو في
قطر الصعيد في العيد
بلاش لكلب الصيد تنوليهم
خدى ألى باقى من ألامل
فيهم وأبنيلى من عضمهم
في كل حارة مقام وزريني
مرة وحيدة لو كل ألفين
عام،ألم الجراح يتلم..
مش باقى منى غير شوية
دم .. متلوثين بالهم..
مرين وفيهم سم كانو
زمان شربات والنكتة
سكرهم..شربتهم الخفافيش
فى قلب أوكارهم، مش باقى
منى غير شوية دم مقدرش
أسقيكى مواجعهم وبرضة
مقدرش أرميكى وأبعهم
يمكن فى مرة تعوزى تطلبنى
شهيـد هحتاج يوميها
الدم يمضي على شهادتى
مش باقى منى غير شوية،
قوة فى أرادتى على شوية
شعر من خطى حسبى عليهم
وأنتى بتخطى،وأنتى فى صبح
الدلال بتعطرى شطى، مش
باقى منى غير شوية ضى
فى عنية أنا مش عيزهم
لو كنت يوم هلمحك
وأنتى بتوطى فى معركة
مفهاش ولا طيرات ولا
جيش وأنتى في طبور..
العيش بتبوسي أيد
الزمن ينولك لقمة..
من حقك المشروع، مش
باقى غير شهقة في نفس
مقطوع بفتحلها سكة
مابين رئةوضلــوع..
مابين غبار ودمــوع
أنا والعطش والجوع
يئن تحت التراب ..
وأنا صوتـى مش مسموع
ياحلمنا الموجوع من
المرور ممنوع مستني لما
يمر موكب سلاطينك، مش
باقى منى غير شوية رحمة
من طينك على شوية،
صبر من دينـك، مش باقى
من غير حبة غنى تايهين
فى الضلمة مش لقين حس
الفوعلية،ولا صوت مراكبى
عفى فوق المعادية ولاصوت
بنات العذارة فى كل صبحية
والغنوة أمنية ياما نفسي
أقابل حبيبى وأنا على
الزراعية صوتك وصوتهم غاب
وأنا تحت حجر الموت بموت
لوحدية، الليلة راحت
عيونى تطل على البستان
وجناين الرمان رجعتلى
توصف عناد الغل والدخان
وسحابة سودة تضلل على
الغنى الغلبان، رجعتلى
توصف هبوب الموت على
ألالوان ،رجعتلى توصف
خيال الذل في موائد
الرحمـن ، مش باقى منى
غير شوية كفر بشروقك
وأنا منبــع ألآيمـــان
مش باقى منى غير ضى..
وعنية مش قادرة تلمحنى
فى وحدتى محنــى خايف
أموت من الخوف والضعف
يفضحنى، السجن عشش فى قلبى
وماشى فى شوارعك نفس
الى باعنى وخدعنى بالرخيص
بايعك هشيل حمولى أنا ولا
هشيل حملك ما عدت أمــلك
شيء فيكى ولا فيه ولا
قراط ولا بيت ولا نسمة
صافية تلاغى النيل بحرية
مش باقى منى غير شوية حب
جرحنى ..ولا باقى منى غير
شويــة ضــى في عنيــة

ما هناك من دموع تبكى فاشحت كل دموعى
هل رأيتم أنسانة تريد أن تبكى ولكن
الدموع عاصية النزول هاك أنا يازمانى
حطم ماشئت وخذ ماشئت.. عازفة ألاهات